Matej Dźisławk
Hauptinhalt
01. nalětnika 2011, 09:42 hodź.
Studowany rěčespyt fotografuje w swojim swobodnym času najradšo žónske a muske modely a je husto na kwasach po puću, zo by porikam jako fotograf njezapomnity swjedźeń wobradźił. Hraje rady na klawěrje a komponuje nimo toho tež swójske melodije. Hdyž njeje raz jako telewizijny redaktor po puću, potom je we wusyłanjach Serbskeho rozhłosa słyšeć. Bydli w ródnym domje w Haslowje a ma nimo toho tež bydlenje w Lipsku.
Što dokładnje činju …
- pisam serbske powěsće a přihotuju rańše wusyłanja
- činju aktualne přinoški za rańši program
Mój lětnik …
1987
Hdźe sym wotrostł, hdźe bydlu dźensa …
…w Haslowje
Moje wukubłanje/studij …
Sym sorabistiku a zapadnu slawistiku na Lipšćanskej uniwersiće studował.
Mój puć k rozhłosej …
2004 sym jako redaktor pola młodźinskeho wusyłanja RADIJO SATKULA započał. Hač do spočatka 2011 sym tam přinoški zhotowjał a zajimawe wusyłanja moderěrował. Po małkej přestawce sym wot junija 2012 zaso jako swobodny sobudźěłaćer za rozhłós a telewiziju po puću.
Što so mi na mojim dźěle lubi …
… zo směm kóždy dźeń něšto noweho dožiwjeć. Wšědnje mam z nowymi ludźimi činić a słyšu zajimawe stawizny - to je dźěło, kotrež wzda so mi perfektne być.
Što činju w swojim swobodnym času najradšo …
… potom na něčim druhim dźěłam - dawa přeco dosć k činjenju. Hewak sym husto na partijach po puću a druhdy tež tak dołho swjeću, doniž so mi na nowy dźeń rano słónčko do mjezwoča směje.
Moje žiwjenske moto …
Měj přeco posměwk mjezwoči. Wužij kóždu šansu, kiž so ći skića.
