prawa za wobrazy: MDR
Moderatorka: Bogna Korjeńkowa
Hauptinhalt
02. nalětnika 2011, 08:08 hodź.
Bogna Korjeńkowa njeje jenož moderatorka WUHLADKA, zdobom nawjeduje wona Budyske studijo rozhłosa. Wosebje lubi so jej při tym, zo čakaja nimale wšědnje nowe wužadanja na nju …
Što dokładnje činju …
Sym nawodnica MDR-studija w Budyšinje a zdobom za wšo zamołwita, štož so w SERBSKIM ROZHŁOSU (nje)stawa. Zo njebych praksu pozabyła, moderěruju telewizijny magacin WUHLADKO a zestajam tón abo tamny přinošk.
Mój lětnik …
1965
Hdźe sym wotrostła, hdźe bydlu dźensa …
- wotrostła sym w Radworju
- dźensa bydlu w Pančicach
Moje wukubłanje/studij …
- diplomowa germanistka
Mój puć k rozhłosej …
- 1992 jako swobodna žurnalistka w SERBSKIM ROZHŁOSU, bjez toho zo prawje wědźach, što mje wočakuje a što scyła sama wočakuju
- lěto pozdźišo dźěłach za němski rozhłós a wot 1996 tež za telewizijne wusyłanje Sachsenspiegel
Što so mi na mojim dźěle lubi …
- nimale wšědnje nowe wužadanje
- zo zeznaju nimale wšědnje nowych ludźi
- zo nawuknych ze wšelakimi ludźimi tež wobchadźeć
- zo mam přistup, dokal njebych hewak ženje přišła
- zo mje dźěło wšědnje wužada
- zo njeje žadyn dźeń kaž druhi
- zo njeje mi ženje wostudło
- zo mam hobersku zamołwitosć
- dyrbju so druhdy, ryzy słužbnje, z wěcami zaběrać, wo kotrychž tydźeń do toho hišće ničo njewědźach, tak wostanu dušinje fit
Što činju w swojim swobodnym času najradšo …
- čitać
- so z přećelemi schadźować
- meble restawrować
