Pokiw: Žiwjenje na chribjeće – Masažowe hrónčka
Hauptinhalt
13. hodownika 2024, 15:52 hodź.
Žiwjenje na chribjeće – Masažowe hrónčka
Lubina Popjelina & Maryna Zhdanko
Sej měr popřeć a zaznawanje ćěła spěchować – z masažowymi kartkami so to poradźi! Hač z burom Janom po polu jězdźo w nalěću, při wišnje šćipanju abo zhromadnje ze šlinkom Fridolinkom w lěću, hač z hłódnym jěžikom, małej micku abo pilnymi dźěłaćerjemi w nazymje abo tola w zymje při poprjancy pječenju a pyšenju hodowneho štoma – čiłe to žiwjenje nic jenož po chribjeće!
Lóštne hrónčka z pjera Lubiny Popjelineje wabja do masaže a zmóžnja dźěsću lochce wotpinać, přetož štož dźěćo słyši a začuwa, pozbudźuje fantaziju a da wobrazy nastać. Sej słyšane předstajić, spomjatkować a po wěstym času sobu powědać móc – što dawa rjeńšeho.
Skulojćene su 29 kartkow přez pisane a rjane ilustracije Maryny Zhdanko. Dajće sej tuž lubić a překwapić!
(Žiwjenje po chribjeće – Masažowe hrónčka, awtorka Lubina Popjelina, ilustrowała Maryna Zhdanko, barbne wobrazy, 29 kartow, 978-3-7420-2771-9, 18,90 €)
