Pokiw Dundaka: Recept za energijowe buliki

Energijowe buliki

To trjebaš za někak 20 bulikow:

-2 wulkej łžicy citronoweje/limetoweje brěčki 
-50g wowsnych tružkow (drobnych) 
-75g sušenkow (aprikozy, slowki abo hinaši sad) 
-50g mlětych worješkow
-2 wulkej łžicy sesam/kakaw/kokos

Takle dźe:

1. wowsne tružki z brěčku změšeć
2. sušenki z worjechami w mikseru pirěrować (Multiboy) 
3. masu k wowsnym tružkam přidać a změšeć
4. kulki sformować (někak tak wulke kaž worješk) 
5. po swójskim słodźe hišće w sesamje/kakawje/kokosu wukuleć

Tip: Buliki móžeće tež zamjerznyć, potom maće je stajnje na składźe :)