Rezept: Z Dundakom sej dubajsku šokolodu zhotowić

Takle wona wupada, wšudźe so w syći, wosebje na Instagramje a na Tiktok wo njej rěči: dubajska šokoloda. A tule móžeće sej ju samo zhotowić!

Dubajsku šokolodu sam zhotowić, žadyn wulki kumšt – tak znajmjeńša twjerdźa to tak mjenowani influencerojo přeco w syći. Cyle bjez dźěła pak to njeje.

Za zhotowjenje trjebaš štyri wěcy:

- znajmjeńša dwě do tři tafle šokolody, najlěpje kuwertiru

- nopašk abo silikonowu formu

- kremu z pistacijow

- orientaliske pječwo kadajif, němsce Engelshaar

__________________________________________

Pistacije, to su tele małe zelene worješki. A kadajif so tež jako jandźelske kudźele abo włosy pomjenuja. Su to ćeńke ćěstowe nitki, podobne ćeńkim nudlam za poliwku, jenož nic tak krute. Wosebje poslednjej mjenowanej přidawkaj dóstanješ pak w orientaliskich kupnicach, zdźěla tež hižo w Budyšinje kaž w Edeka abo w syći. Jeli tute přikuski nimaće, žadyn problem. Tež suche cornflaksy so za to derje hodźa. Wosebje tute:

Rjenje rozdrěbjene, daja šokolodźe na kóncu podobny słód a teksturu kaž wony kadayif. A město pistacijoweje kremy, móžeće wšě druhe móžne słódke kremy wzać, kiž sej hewak tež na pomazku mazaće. Na přikład worješkowy mus

1. Šokolodu hrubje z nožom rozkrać a potom na kachlach rozběžeć dać. Kedźbu za to trjebaće dwaj horncaj, do wulkeho přińdźe tróšku wody, tón stajiće direktnje na kachle. Do druheho, mjeńšeho hornca přińdźe šokoloda. Tutón hornc stajiće do wjetšeho hornca z wodu. Tak šokoloda rjenje rozběži.

2. Potom połojcu šokolody do formy pjelnić. Dźiwajće na to, zo šokoloda so tež na kromach rozdźěli. To docpějeće přez nachilenje a wobroty formy. Něhdźe 1 – 2 cm šokolody na kromach dyrbiće měć. Po tym zymne staj

3. W mjezyčasu kadayifowe nitki hrubje rozkraja. Butru w pónoji sćoplić a kadayif w njej pod měšenjom złotobrune pražić. Po tym jón z pistacijowej kremu a prisku sele změšeć. Wochłódnić dać.

4. Naměšanu masu do formčki na wochłódźenu šokolodu dać a runostajnje rozdźělić. Zymnje stajeć, doniž njeje masa dospołnje wochłódnjena.

5. Zbytnu šokolodu nad horcej wodu rozběžeće dać, ćeńko na kadayif-pistacijowu masu rozdźělić. Šokolodu znowa zymnu stajeć a dospołnje wutwjerdźić dać.

6. Po tym kedźbliwje z formy wzać. Wjele wjesela!