Rěčny kućik z wusyłanja 28.10.2005 Něćin - Niethen

Jeli so mje něchtó w ryči dźensnišich Młodoserbow wopraša, hdźe wjeska Nyćin je, tak praju: to nywem – pardon – njewěm, znaju jenož Něćin njedaloko Bukec.
Šikwana wjeska tuli so do doła Koporčanskeje abo Koporskeje wody – to so lype wurjekuje hač "w dólčku Koporskeje ryčki"!
A tutón Něćin – němsce Niethen – ma swoju wosebitostku: derje zdźeržane hrodźišćo wysoko nad rěčku! Nasyp hrodźišća je na 13 metrow wysoki, z njeho maš rjany wuhlad po kraju!
A nětko – wšak smy w ryčnym- wodajće – w rěčnym kućiku – něšto wo mjenje wjeski: Rěčespytnicy sej njejsu cyle wěsći. Ći jedni měnja, zo přińdźe Něćin snadź wot mjena załožerja Něta - druzy pak zaso praja, zo zwisuje Něćin z wohenjom! Haj, naši dźědojo a naše wowki dźěłachu mjenujcy hišće w něsći woheń, zo bychu sej wusmuž warili. A tak sej myslu, zo je so našim prjedownikam při něsći wosrjedź hrodźišća tak lubiło, zo wukřćichu po někotrych karanach mjedowiny swoje sydlišćo na "Něćin".
A hdy by so jich dźensa něchtó woprašał, hdźe Nyćin je, tak bychu jenož prajili : Hee??