Filmowa dokumentacija "Čej' da sy?"
Hauptinhalt
31. wulkeho róžka 2024, 09:53 hodź.
Ke knize a wustajeńcy wo katolskich Serbach „Čej da sy?“, kotraž bě so loni w Serbskim muzeju pokozała, słuša tež dwacećimjeńšinowa filmowa dokumentacija, kotraž je za zajimcow na youtubowym kanalu přistupna. Wustajeńcu je wjac hač 5500 hosći wopytało, film ma dotal 240 klikow.
Wotkaz na film:
Kolažu interviewow je zestajiła kuratorka wustajeńcy Andreja Pawlikowa. Jedna wosoba we filmje je Mónika Šołćina z Pěskec - wona rozmysluje na přikład wo katolskim wašnju postrowjenja.
Jedyn interviewowy partner we filmje je Jurij Šołta z Noweje Wjeski, wučer na wuměnku a dołholětny předsyda Domowinskeje skupiny:
„Wšitcy kotřiž serbsce rěča a móža, dyrbja ze swojimi dźěćimi serbsce rěčeć a to tež pěstować, dokelž hdyž dźěćo hač do šěsteho lěta porjadnje rěčeć móže, potom to njezabudźe. Ale hdyž to hakle w šuli nawuknyć ma, to je přepozdźe.“ (Jurij Šołta)
Film, kiž je w nadawku Serbskeho muzeja natočił Reiner J. Nagel, ostwärts-film, ma štyri kapitle: Wěra a znamjenja, rěčne rumy, kontakty a konflikty a nadźija.
